Om oss

Kunnskapsparken Vestland tilrettelegg for sterke innovasjonsmiljø og vekstkraft i bedrifter. Gjennom arbeidet vårt gjer vi det vi kan for å hjelpe framtidas næringsliv opp og fram. Logoen vår symboliserer ei spå - ei spå om framtidas næringsliv.

Vi er eit regionalt innovasjonsselskap med kontor i Førde og Sogndal. Våre tre kjerneverdiar; handlekraft, samspel og tillit både forpliktar og gir oss inspirasjon i arbeidet med nyskapande næringsliv.

Vår kjernekompetans er inkubatortenester, forretningsutvikling, kommersialisering, prosess- og prosjektleiing, klyngeutvikling og omstilling.

Hilde Grinde

inkubatorleiar

Gründerar og vekstorienterte bedrifter

"Om du har ein innovativ ide som du ønskjer å teste ut, så kan vi hjelpe deg. Vi gir deg skreddersydd rådgiving, hjelper deg med finansiering og gir deg nettverk - slik at du raskere kan utvikle og teste din ide og oppnå vekst"

Gründerar og bedrifter har ulike behov. Som sparringspartner koplar vi deg med riktig verkemiddel og nettverk – til rett tid.

Bli med i vårt inkubator-program, og bli en del av et dynamisk og inspirerende fellesskap som skaper framtidas næringsliv i Vestland.

Eit innovativt arkitektfirma frå Bergen har sett seg som mål å revolusjonere byggebransjen ved bruk av gjenbrukte og oppsirkulerte materialar. No har dei utvikla ei berekraftig produksjonslinje som allereie har sett sine spor på marknaden.

– Som arkitektar såg vi at endringane gjekk for sakte i dei store selskapa, fortel Anders Eide.

– Med høge miljøambisjonar og dei nye EU-direktiva til grunn måtte vi finne nye måtar å bygge på. Det blei starten på Vill Opp.

Frå idealisme til industriell realitet

Med ein midlertidig fabrikk i Bergen, og utstyr kjøpt for ein symbolsk sum, starta dei med å omarbeide materialar frå nedrivingsprosjekt til heiltre kubbegolv. Pilotprosjekt blei godt motteke på marknaden, men produksjonen var vanskelig å skalere.

Løysinga blei eit samarbeid med Sogneprodukt, ei arbeidstreningsbedrift på Kaupanger i Sogn, og kapp frå den nærliggjande trevareindustrien.

– Samarbeidet med Sogneprodukt og Are Treindustrier har vore avgjerande for å utvikle en produksjonslinje hvor koblingen mellom råvarene og fabrikken er såpass tett.

– Det gir oss tilgang til ressursar og ekspertise, samstundes som vi kan tilby eit produkt som både er miljøvenleg og konkurransedyktig på pris. Kombinasjonen av kortreiste materialar og sosial bærekraft er dessutan svært viktig for oss.

I dag kan ein sjå dei karakteristiske kubbegolva installert i alt frå kaféar til restaurantar. Prosjektet har dessutan sikra dei det gjæve DOGA-merket for design og arkitektur.

Støtte og nettverk

– Kunnskapsparken har fungert som gode rådgjevarar for oss undervegs, særskilt inn mot å hente kapital og støtte. Samarbeidet har dessutan gitt oss tilgang til nettverk og arenaer for å utveksle erfaringar med andre, seier Eide.

– Det har hjelpt oss å profesjonalisere verksemda og styrke posisjonen vår på marknaden.

Framover blir fokuset å utvide produktporteføljen til å inkludere tak- og fasadeplater, framleis med eit fokus på berekraft og kvalitet.

«Morgondagens bedrifter er dei som evnar å skape vekst og utvikling. Det krevst mykje av bedrifter som skal lukkast i dagens samfunn, og det er vanskeleg å vere god på alt. Som sparringspartner og støttespelar bistår vi deg kompetansen du treng for å nå dine mål»

Sigrid Førde

forretningsutviklar

«Alle oppstartsprosjekt er avhengige av tre grunnsteinar; ein god ide, flinke folk og pengar til å betale utviklinga. Kunnskapsparken testar både folka og ideeen når vi tek ei bedrift opp i inkubatoren. Vi må bli sikre på at ideen kan fly og at det er rette folka bak spakane. Pengane må vi finne undervegs og det meste må hentast hos private investorar.»

Forarbeidet vi gjer med å bli kjent med folka og ideen, er grunnlaget vårt for å kontakte våre nettverk og sei at her er det risiko ja, men vi trur på ideen og folka. Kan de tenke dykk å investere nokre kroner i prosjektet no i tidleg fase, men den risikoen det medfører?

Dette er eit kjent felt for investorane og etter 20 år i ulike samarbeid med oss veit dei kven vi er og vi veit kva dei er interessert i. Då er og forventningane avklart slik at begge partar veit kva risiko og potensiale som er involvert.

Geir Opseth

forretningsutviklar

«Gjennom rask oppstart gir vi gründeren verktøya ein treng for å jobbe systematisk med å redusere risikoen når ein skal ut i marknaden»

Rask oppstart passar for alle som har ein idé og vil utforske den gjennom systematisk arbeid og testing.

Det er ein viktig balanse mellom fart og kvalitet. Det er lurt å få avklart og testa hypotesar tidleg for å redusere risiko, tilpassa produktet og auke sjansen for suksess.

Rask oppstart

Fredrik Johansen ønskte å skape ei plattform som samla påliteleg informasjon tilpassa dyreeigarar. Allereie då ideen var i startgropa kontakta han Kunnskapsparken, som raskt gjorde tankar til handling.

Den unge veterinæren har som mål å skape eit enkelt og informativt verktøy, som fremjar trygt dyrehald. Han meiner Rask Oppstart bidrog til å setje oppstartsfasen i system.

– Som deltakar opplevde eg kurset som svært verdifullt. Det har gjort vegen vidare meir handfast og synleg, forklarer Johansen.

– Som solo-gründer var det dessutan stor verdi i å møte andre frå nærområda i same situasjon – på tvers av bransje. Det har vore nyttig å få tilbakemeldingar og gode samtaler med både deltakarar og rådgjevarar. 

Innovasjon Norge sa "ja"

I etterkant av samlinga har han gjennom inkubator fått innvilga støtte frå Innovasjon Norge.

– Fredrik fekk «ja» på første forsøk, det skjer langt frå alle. Å lukkast som gründer krev gjerne grundige prosessar, så vi må skunde oss sakte. Å gjere det skikkeleg vil ein få ein att for seinare, forklarer forretningsutviklar Sigrid Førde.

No går han ein spennande haust i møte.

– Rask oppstart handla for min del om å rett og slett sette arbeidet litt i system. Eg fekk sett kor viktig til dømes marknadsarbeidet er, og ikkje minst det å legge gode planar for ideen. Denne vil ein få bruk for i alle situasjonar framover, også når ein berre sit aleine og lurer. Dette var svært god hjelp i den fasen eg var i då. Å i tillegg få være med vidare i Inkubatoren til Kunnskapsparken gav både tryggheit og følelsem av at eg hadde fleire med på teamet.

– Framover blir fokuset å spisse og segmentere kundegruppe mi ytterlegare, samt å ferdigstille ein pilot til testing. Kunnskapsparken har eit stort nettverk som eg truleg vil dra nytte av i tida framover, avsluttar Johansen.

Til høsten skal vi tilby ulike program og aktivitetar innan berekraft.

Berekraft

Lea Myklebust

prosjektleiar berekraft

Bærekrafthalvtimen er ei webinarrekke arrangert av Kunnskapsparken Vestland, VIS og Vekst i Lag, retta mot inkubator- og næringshagebedrifter i SIVA-systemet.

Målet er å legge til rette for grøn omstilling i regionen, ved å gi bedrifter ei kortfatta og praktisk tilnærming til arbeidet.

Gjennom tema som berekraftig strategi, kommunikasjon, grønare kode og software, og verdikjeder får deltakarane servert både kunnskap og verktøy som kan styrke berekraftsarbeidet deira.

Eit ekstra djupdykk

Berekraftshalvtimen har undervegs blitt utvida til å inkludere ein meir djuptgåande kursserie i berekraft, med fokus på praktiske tilnærmingar som vesentlighetsanalyse og strategiutvikling. Med støtte frå Sparebanken Sogn og Fjordane blir også desse kursa tilbydd digitalt.

Serien har fått svært god mottaking og fleire sesjonar er allereie gjennomført.

Sjå fullstendig program på vår nettside.

«Når bedrifter ser det naudsynt å endre kurs, eller utvikle bedrifta, tek vi hand om prosessane slik at du som bedriftsleiar kan halde fokus på kjerneområda i verksemda»

Mange små og mellomstore bedrifter har avgrensa administrative ressursar, som er fullt aktivert med dagleg drift og produksjon. Ved å leige inn ekstern prosjektleiing får ein dedikerte ressursar med fullt fokus på framdrift og gjennomføring.

Våre kvalifiserte prosjektleiarar kan i tillegg, tilføre bedrifta nettverk av stor verdi.

Prosjektleiing

Starta døgnope butikk for overskotsmateriale

Med mål om å redusere mengda avfall i byggebransjen, opna Vestlandet sin første Sirken-butikk dørene på Kaupanger denne våren.

Bli kjent med fleire våre prosjekt?

«Det er viktig at forsking blir gjort tilgjengeleg og nyttig for folk. Våre forretningsutviklarar samarbeider med sterke fagmiljø innan helse og akademia og bidreg til at fleire gode aktørar kjem ut i marknaden»

Det krev mykje tid og kunnskap å utvikle idear til å bli eit produkt eller ei teneste på marknaden. Våre kommersialiseringsaktørar har verktøya og nettverka som må til for å lukkast med dei gode ideane.

Med vår kompetanse på forretning, og tette kopling til dei sterke fagmiljøa i eigen region, hjelper vi bedrifta frå idé til kommersialisering.

Samarbeid med sterke fagmiljø

Styret, eigarar og partnerar

Haust 2022

Saman om nyskaping, omstilling og vekst

Haust 2021

Saman om nyskaping, omstilling og vekst

Haust 2020

Vi skapar vekst i vest

Tidlegare magasin frå Kunnskapsparken