Linelåsen gir hundeeigarar frie hender
– Kunnskapsparken har gitt meg tilgang til sine nettverk og delt raust av eigen kunnskap. Det har dessutan vore interessant å delta på samlingar for å utveksle erfaring med andre inkubatorbedrifter.
No har han utvikla ei innovativ løysing for hundeeigarar som treng frie hender i krevjande situasjonar. Etter fleire år med prøving og feiling, har Dvergsdal lansert «Linelåsen» - ein nøye designa låsemekanisme for hundeband.
– Dette produktet er spesielt nyttig for ettersøksjegerar, men også for hundeeigarar som ønskjer ein enkel måte å handtere hundar under daglege aktivitetar, som trening og byte av sele, trilling av barnevogn m.m. forklarer Dvergsdal.
Ein krevjande prosess – med godt resultat
– Det har vore ein lang og krevjande prosess, særskilt kva gjeld teikning og 3D-print av prototypen og arbeidet med å finne riktig materiale. Men tilbakemeldingane har vore svært positive, og eg er godt nøgd med resultatet, forklarer Dvergsdal.
Kunnskapsparken har gjennom inkubator bidrege med ressursar og rettleiing gjennom heile utviklingsprosessen, og hjelp med å utvikle nettside og nettbutikk.
Som erfaren ettersøksjeger hadde Geir Dvergsdal i fleire år kverna på ideen om ein låsemekanisme som sikra trygt feste av hund, under skotsituasjon på ettersøk.
Linelåsen blir festa til beltet eller ei hempe via ein karabinkrok, slik at hundeeigarar kan låse bandet og få hendene frie utan å miste kontrollen over hunden.
Siktar internasjonalt
Produktet har blitt grundig testa og fått positive tilbakemeldingar frå spesialhundtrenarar, militæret og politiet.
– No er målet å vidareutvikle nettbutikken og få Linelåsen ut på den internasjonale marknaden, avsluttar Dvergsdal.